एका चेडवाक ‘विक्तें घेवप' आनी ताचेर बलात्कार करप- एका लोकांच्या जम्या सांगाता पुलीस स्थानाचेर हल्लो करप- जिवो मारपाचो प्रयत्न. आमी कायदो करप्यांक वा कायदो मोडप्यांक विंचून काडपाचें?

तुज्या असल्या साध्या नागरिकांक असले गंभीर गुन्यांव आसल्यार, आमचें खास कुटुंब आमकां लजेक घालता आशिल्ले, समाजीक बहिश्काराक फुडो करचो पडटा आशिल्लो वा घडयेक आमच्यो नकऱ्यो घालयता आशिल्लें. पूण राजकारणांत जांचेर असले गुन्यांव आसात ते गोंयांत निवडणूक लडयतात(आनी हाच्या वन चड वायट ते निवडून येतात). कशे परीं बरो कायदो आनी वेवस्था आमच्यान अपेक्षीत करूं येता जेन्ना निवडिल्ले प्रतिनिधी कायदो मोडप्यांचे गुन्यांवकार आसात? हो अर्ज सय करात.

एक गोंयांत रावपी कसो, म्हाका निवडणुके दिसा एक थडें वायट विंचूंक मेळटा देखून हांव कांपतां. हे विंचपाचे पर्याय आसल्यार हो लोकशायेचो एक दुखिचो दीस जावन आसा. हें हांव कशेंच मानून घेवंक कबूल ना. म्हाका निवळ निवडणुको जाय. म्हज्या सांगातान रावात.

असोसिएशन फॉर डेमोक्रेटीक रिफॉरेम्स हाणीं म्हायती जाहीर केल्या तातूंत सध्याच्या ४० आमदारां मदले ११ जणांक गुन्यांवकारी फाटभूंयं आसा.हातूंतल्या ९ जणांचेर गंभीर केसी आसात जातूंत अस्तुऱ्यांचेर आनी भुर्ग्यांचेर केल्लें गुन्यांव आसात जशे परीं बलात्कार, पळून व्हरप, लैगीक आताक, पुलीस चौकेर हल्लो, जिवो मारपाचो प्रयत्न, भ्रश्टाचार आदी. खत आशिल्ले आमदार सगळ्या पक्षांचे आसात-भा. ज प,कॉंग्रेस, गोवा फोर्वड पार्टी, नॅशनल कॉंग्रेस पार्टी आनी हेर आनी तांचीं नांवां अशीं आसात:

1. आतानासियो मोन्सेर्राते (भा ज प)
2. जेनिफेर मोन्सेर्राते (भा ज प)
3. विश्वजीत राणे(भा ज प)
4. गोविंद गावदे (अपक्ष/ भा ज प)
5. निलकंठ हलंकर (एन सा पी)
6. मायखल लोबो (भा ज पी/आय एन सी)
7. दिगंबर कामात (आय एन सी)
8. चर्चील आलेमांव(एन सा पी /टी एम सी)
9. विनोद पालियेंकार (जी एफ पी/अपक्ष)

थटाकपाची गजाल ९ जणांक गंभीर गुन्यांवांची फाटभूंय आसा जे येत्या निवडणुकेक फेब्रुवरिच्या १४वेर २०२२ उमेद्वार आसात.आमी मतदारांनीं अदीक म्हायतिपूर्ण पर्याय करिना जाल्यार येत्या निवडणुकेचो परिणाम वेगळो आसचना. आमी आमच्या वावराक लागूंया

प्रस्न असो आसा की सरासरी मतदारांक, उमेद्वारांच्या गुन्यांवांची फाटभुंयची वळोक ना जरूय निवडणुकेच्या आयोगान, सुप्रीम कोर्टाच्या हुकुमा वर्वीं,  निवडणुकेची अर्ज केल्या उपरांत ४८ वरां भितर, उमेद्वारांनीं आपली फाटभूंय आपल्या वेबसायटीचेर, समाजीक माध्यमाचेर घालूंक,  सक्तिचें केलां.

म्हजो अर्ज सय कर आनी निवडणुकेच्या आयोगक, उमेद्वार जांचेर बलात्कार, खून, दंगे असले गंभीर आरोप आसात ताणीं आपल्या जायरातिंच्या तकट्यांचेर “ गुन्यांवांचो रेकोर्ड” मोट्या दाट अक्षरांनीं सगळ्या तांच्या जायरातिंच्या मजकुराचेर प्रचार करताना करुंक जाय म्हण मागणें कर, जर उमेद्वार तशें करिना जाल्यार तांचो अर्ज रद्ध करुंक जाय. 

खरेपणीं म्हाका एकूय मनीस गुन्यांव आशिल्लो उमेद्वार लिवडणुको लडयल्लो वा निवडून आयिल्लो नाका. हांव एक कायदो मानपी नागरिक आनी तसलो उमेद्वार म्हजो प्रतिनिधी म्हाका जाल्लो नाका.

पूण,जर म्हज्या ह्या अर्जेंत आमच्या राजकारणांत गुन्यांवकारांचो आंकडो थोडो उणो करुंक जाता जाल्यार म्हाका बरे भशेन न्हिदूंक तशें सोंपेपणीं उस्वास घेवंक घडटलें.

म्हाका खातरी आसा, हांव एकटोच भारती अशें भोगपी न्हय. हांव दर एकल्याक गोंयकाराक आनी भारत भर हो अर्ज सय करुंक आमी भियेनासताना उलोवंक परात्तां. आमी जेन्ना एका ताळ्यान उलयल्यार निवडणुकेचो आयोग आमकां आयकतलो. गुन्यांवकार फुडाऱ्यांक ना म्हणात.